අයෙත් එනවා

පහුගිය මාස වල මට බ්ලොග් ලියන්න එන්න වුනේ නැහැ. අලුත් විදියකට අද හෙටම මම ඔයාල බලන්න එනවා.

මිනිහා මැරිලත් ගෑනි ගේ ගතිය එහෙමමයි ....

මේ සිද්දිය වුනේ මීට අවුරුදු 3-4 ට  කලින්. මගේ අන්තිම පෙම්වතිය ඉන්න කාලේ. (අන්තිම පෙම්වතිය කිව්වේ එයාව තමයි මම marry කලේ) මේ සිදුවීම වෙන දවස් වල මම එයා ගැන අම්මට යන්තමට විතර කියල තිබුනේ. අම්මයි මල්ලියි ඇරුනම කවුරුත් මගේ නෑදෑයෝ දැනගෙන හිටියේ න මේ ගැන.

ඔන්න මේ දවස් වල මට දුරින් නෑදෑයෙක් වෙන අය්යා කෙනෙක් accident එකකින් නැතිවුනා. එයාල ටිකක් දුප්පත්. ඒ අය්යා marry කරලා හිටපු අක්කා හිටියේ විදේශ ගත වෙලා. දෙන්නටම එච්චර වයසත් නෑ. තරුණ දෙන්නෙක්. අය්යා ගේ අවමගුලට අක්කට සති 2 ක නිවාඩුවක් ලබාගෙන එන්න ලැබුනා ලංකාවට. ඒ සති 2 න පස්සේ අපහු ඒ රටට එන පොරොන්දුව පිට.


කොහොම හරි මල ගෙදර වැඩ ඉවර වෙලා පහුවෙනිදා  අර අක්ක මට කිව්වා "මල්ලි පුලුවන්නම් මව හෙට කොලබ කම්කරු office එකට එක්ක යන්න, අයගේ වැඩ වගයක් කරන්න තියනවා " කියලා. මාත් ඉතින් පවුනේ කියලා හිතලා හා කියලා කිව්වා.


ඔන්න ඉතින් පහුවදා අක්කයි මමයි කොලබ යනවා. පැය 2 ක විතර ගමනක් නිසා පාන්දරම ආවා. එන ගමන් ඉතින් එයා ජොබ් එක කරන තැන විස්තර එනම් මනම් හැම දේම කතා කර කර ආවා. ඔය අතරේ අක්ක ඇහුව මෙහෙම


අක්කා : දැන් ඉතින් මල්ලිලාගේ වයසත් හරිනේ marry කරන්න එහෙම අදහසක් නැත්ද? අඩුම ගැනේ කෙල්ලෙක්වත් නැත්ද?

මම : (තරුණ වයසේ කෙනෙක්නෙ බොරුවක් කියන්න දෙයකුත් නැනේ ) නැත්තෙමත් නෑ

ඉතින් ඒ අක්කා මගෙන් විස්තර ඇහුවා ඒ ගැන. මමත් ටිකක් කිව්වා.


කොහොම හරි දවසම ඒ අක්කගේ වැඩ වලට කට්ට කාල රෑ 8 ට විතර ගෙදර ආවා. ඊට පස්සේ හත් දවසේ බන දවසේ රෑ තමයි මට ආයේ එහෙ යන්න ලැබුනේ. ඒ යනකොට නෑදෑයෝ ගොඩක් ඇවිත් හිටියා. ඔක්කොම මම ගිය වෙලාවේ ඉදලා මාව bite එකට ගන්නවා ලදී wedding එකක් තියනවා වගේ කතා කියලා. දැන් මට මාර upset . බලනකොට වැඩේ ගිනි තියලා තියෙන්නේ අර අක්කා. මිනිහා මැරිලා දවස් 7 ක් වත් නෑ. ඊට වඩා එයාට මේ ඔප දුපය ලොකු වෙලා. අපේ තාත්තා මේ ගැන දැන ගත්තෙත් මේ අක්කගේ ඔප දුපය නිසා. අඩුම ගානේ කොලබ ගිහින් කට්ට කාපු එකට වත් සලකලා පත්තර වල නොදා හිටියනම් මොකද වෙන්නේ. 


බ්‍රේෂියරය

මම මේක ලියන්නේ 100% ක්ම මගේ අදහසකින් නෙවේ. මට කියවන්නට ලැබුණු දේවල් වලින් මම ගත්ත අදහස් සහ මගේ අදහස් එකතු කරලා තමයි මම මේක ලිව්වේ. කියවලා බලලා දාන්නකෝ බලන්න අදහසක්...


බ්‍රේෂියරය

ස්වභාව ධර්මයා බිම බලාගෙන ඉන්න මවපු දේවල් වලට අපේ එවුන් බලෙන් අහස පෙන්නන්න හැදීම....

අමතක නොවෙන

නිතර ගොඩවෙන අය ගෙවුණු අවුරුද්ද මගේ ජීවිතේ අමතක නොවේනම අවුරුද්දක්, ගැටළු ප්‍රශ්න ගොඩක් මැද්දේ උත්සාහයෙන් ගොඩාක් දේවල් ලබාගන්න උනන්දු වුන ලබාගත්ත අවුරුද්දක්. නොලැබුණු දේවලුත් නැතුවම නෙවෙයි ( අපි බලාපොරොත්තු වෙන හැම දේම ලැබෙන්නේ නැනේ)
පැල්පත ගොඩනැගුවෙත් මේ අවුරුද්දෙම තමයි. මේ වෙනකොට
පැල්පතට නිතර ගොඩවෙන අය 29 දක්වා ඉහල ගිහින්. ටික ටික comments දාන අයත් වැඩි වෙලා. හැමෝටම ගොඩක් ස්තුතියි.

ලබන්නා වූ  නව වසර ලක්වාසී ඔබ සැමටත් පිටරට වල ඉදල මගේ පැල්පතට ගොඩවෙන හැමටත් සියලුම ශ්‍රී ලාංකිකයන්ටත් "සාමය සතුට පිරි සුබ නව වසරක් වේවා"..

ලිව්වේ නැත්තේ ඇයි...

නැගිටලා  උදයේම
ලිව්වා නිදි කිරාගෙන
දිගනිසා කතාවම
ගියා කාලය හූ... කියාගෙන

නිසා සංවේදී.....

ලියු... ඒ පද පේලී...
නුසුදුසුයි සිතුනී...
අන්තිමම මොහොතේදී.....

ඒ නිසා නොදමමී...

ලියු... ඒ පද පේලී...
ලිව්වේ මේ ගී.....
කාපු කාලය ගැන දුක සිතී.......

මල් මල් පෑන්ටිය

මාසයකට දෙකකට කලින්  මට ප්‍රසිද්ධ දේශකයෙකුගේ වැඩමුළුවකට සහබාගි වෙන්න ලැබුනා. ඒ මගේ යාලුවෙකුට ලැබුන පාස් 2 න්එකක් මට දුන්න නිසා. වැඩමුළුව සහ දේශනය තිබුනේ "පලදායිතාව සහ මුදල්......... "  මාතෘකාවෙන්.

ඔන්න දැන් දවස උදා වුන. වැඩමුළුව තිබුනේ හවස. මමයි මගේ යාළුවයි පාස් එකේ වැඩමුළුව ආරම්භ වෙනවා කියලා සදහන් වෙලා තිබුණු වෙලාවට පැය කාලකට කලින් ගිහින් සාලාවේ එක ලග තිබුණු පුටු දෙකක වාඩි වුනා. මේ වෙනකොට සාලාවෙන් 90% විතර පිරිලා තිබුනේ.


ඔන්න දැන් පටන් ගන්නවා කියපු වෙලාව අවා. ම්හ්.. පටන් ගන්න පාටක් වත් නෑ. තවත් පැය කාලක් ගියා. ම්හ්.. තවම නෑ. කොහොමහරි පටන්ගන්නවා කියලා සදහන් වෙලා තිබුණු වෙලාවට විනාඩි 35 ට විතර පස්සේ ඔන්න දේශකයා ආවා. (මෙන්න මිනිස්සුන්ට ලොකු talk දෙන අයගේ වැඩ. මාතෘකාව පලදායිතාව..... මිනිහා නිසා එතන හිටපු 200 කගේ විතර පැය භාගයක කාලය අපරාදේ. අඩුම ගානේ මිනිහා එකට සමාව ගත්තේවත් නෑ.)


දේශනය පටන් ගන්නකොටම ඉන්න තැන වෙනස් කරලා අදුනන්නේ නැති කෙනෙක් ලග ඉදගන්න කියලා කිව්වා. මම ලගට ආවේ අවුරුදු 35 ක විතර කෙනෙක්. මිත්‍රශීලි කෙනෙක් වුන ඒ කෙනා බොහොම ඉක්මනට මාත් එක්ක හිතවත් වුනා. ඒ කෙනාගේ නම් ගම මම මෙතන සදහන් කරන්නේ නෑ. අජිත් අයියා කියල මම එයාව හදුන්වන්නම්.


දැන් දේශනය කරගෙන යනවා. දේශකයා කියනවා "මුදල් පරිහරණය කරනකොට හැම වෙලාවේම අනවශ්‍ය දේවල් වලට වියදම් කරන්න හොද නෑ, ඒ වගේම අපිට ලැබෙන අදායමෙන් ....% ක් වත් අපි ඉතුරු කරන්න ඕනේ. අපිට ඒ මුදල ඉතුරු කරන්න යට ඇදුමකට වැය කරන මුදල අඩු කරලා හරි කරන්න ඕනේ. මොකද යට අඩුම කාටවත් පෙනෙන්නේ නැනේ. උදාහරණයකට මගේ බිරිද අදින්නේ .....  ......  පැන්ටියක්. ඒ එකක් 600+ වෙනවා. රුපියල් 100 ක එකක් ඇන්දනම් එයාට එක
පැන්ටියකින් රුපියල් 500+ ඉතුරු කරන්න පුළුවන්....................................

දැන් විවේක කාලය ආවා. මේ වෙනකොට අජිත් අයියා මාත් එක්ක හොදටම හිතවත්. එයා පෞද්ගලික ආයතනයක පොඩි රැකියාවක් කරන කෙනෙක්. බබාලා දෙන්නෙක් ඉන්නවා. බිරිද රැකියාවක් කරන්නේ නැතිලු.


අජිත් අයියා : මල්ලි මතකද .........(දේශකයා) පැන්ටි කතාවක් කිව්වා?

මම : ඕව ඇයි....?
අජිත් අයියා : ඔයාට කියන්න මල්ලි ඒ මිනිස්සු රුපියල් 600 ට වැඩි පැන්ටි අදිනවා. යට ඇදුමෙන් හරි කීයක් හරි ඉතුරු ක‍රන්න කියනවා. මගේ නෝනට තියෙන්නේ පැන්ටි 5 යි, ඒ එකක්  රුපියල් 50 ට අඩුයි. මමයි එයයි ඒ 5 මාරුවෙන් මාරුවට අදිනවා. දැන් ඇදලා ඉන්නෙත් එයාගේ එකක්. මම 100 ක් දීල යට ඇදුමක් ගන්නේ නැත්තේ එකෙනුත්  පොඩි දෙන්නට මොනවහරි දෙයක් කරන්න පුළුවන් නිසා.

මගේ පපුව හිර වුනා වගේ දැනුනා. දුප්පත්කම දරු සෙනෙහස ආදරය ඒ වචනවල අවන්කවම තිබුනා


(මේ ලිපිය ලිව්වේ කාවවත් අපහසු තාවයකට පත්කරන්න නෙවේ. ආර්ථිකව දුප්පත් වුනත් දරු සෙනෙහස ආදරය වගේ දේවල් වලින් පොහොසත් අජිත් අයියා වගේ අයට උපහාරයක් පිණිසයි)

නම්බු දීල බැනීම..

මගෙන් කලින් පොස්ට් එකටනම්  හොද ප්‍රතිචාර තිබුනා. එහෙම වෙනවනම් ලියන්න හිතෙනවා හෝ ගාලා.
මේක වුනේ මගේ යාලුවෙක්ගෙ යාලුවෙකුට. මම කසුන් කියලා කියන්නම්. මීට අවුරුදු 4-5 ට කලින් කසුන් ලංකාවේ ප්‍රධාන ආයතනයක ජොබ් training එකකට ගිහින්. කසුන්ලට junior batch එකකුත් ගිහින් තියනවා training එකට. දැන් කසුන්ලා මේ ආයතනයේ මාස 7-8 ක් ඉදලා. මේ  අතරේ ඒ ආයතනයේ කැන්ටිමේ කෑම රස නැතිලු. quality එකත් මදිලු. කැන්ටිම ගැන කසුන්ලගේ batch එකේ අය HR එකට පැමිණිලි කරලා.

HR එකෙන් කැන්ටිමට පලවෙනි දැනුම්දීම දීල. ම්හ් ...   වෙනසක නෑ
කසුන්ලගේ junior batch එක HR එකට දෙවෙනි පැමිණිල්ල දාලා.
HR එකෙන් කැන්ටිමට ටිකක් තදට දෙවෙනි දැනුම් දීම කරලා..

එත් වෙනසක් නැතිලු. වෙනසක් නෑ කිව්වට වෙනසක් වෙලා නැත්තෙමත් නෑ. කැන්ටිම කරන අයට ආරංචි වෙලා එයාලට විරුද්දව HR එකට පැමිණිලි කලේ කවුද කියලා. ආරංචි වෙලා තියෙන්නේ කසුන්ලගේ junior batch එක  මේක කරා කියලා. ඉතින් කැන්ටිමේ අය දැන් ටිකක් කසුන්ලටයි එයාලගේ juniors ලටයි දැන් අඩු සැලකිලිලු. ඒ වුනාට කෑම වල රසවත් quality එකවත් වෙනස් වෙලා නම් නෑ.

තුන් වෙනි action එක ආයේ ගත්තේ කසුන්ලා. එයාලා කැන්ටිමේ lunch packet 2 ක් අරගෙන  ගිහින් HR එකට පෙන්නලා. ඔන්න HR එකටත් ඒ වෙලාවේ ඇත්ත හොදටම තේරිලා. HR එකෙන් කැන්ටිමට කියලා එයාලගේ agreement එක අවලංගු කළා , ඒ නිසා සති 2 ක් ඇතුලත් කැන්ටිමේ බඩු බාරදීල යන්න කියලා.

කැන්ටිමේ අයත් වෙඩි කාපු ගෝනා වගේ කුලප්පු වෙලා මේ සිද්දියෙන්. එයාලට හිතිලා තියෙන්නේ මේ වැඩේ කලේ කසුන්ලගේ junior batch එකේ අය කියලා.

මේ අතරේ junior batch එකේ අය කැන්ටිම පැත්තේ ගිය වෙලාවක කැන්ටිමේ අය හොදටම unior batch එකට බනිනවලු. රණ්ඩුවක් ඔන්න මෙන්න වගේලු. මේ අතරේ මේ වෙලාවේ කසුන්ලත් මේ පැත්තේ ගිහින්.

දැන් හොදටම බහින් බස් වීම වෙනවා. පොඩි අයයි කැන්ටිමේ අයයි. කසුන් ගිහිල්ලා මේක සමතයකට පත් කරන්න කතාකරලා.
යක්ෂයා ආවේශ වෙලා හිටපු කැන්ටිමේ එක්කෙනෙක් කසුන්ගේ shirt එකෙන් ඇදලා " මේ මහත්තයා, මහත්තයාගේ අම්මට xxxxx නැතුව යනවද?  මේක අපේ කේස් එකක්නේ. මහත්තයා...බොරුවට මේවට ගැවිලා  මඩ ගාගන්න ඕනේ නැනේ. මහත්තයාගේ xxx කපාගන්නේ නැතුව ආපු අතක් බලාගෙන යන්න " කියලා

මොන කුනුහරුපේ කියලා බැන්නත් මිනිහා කසුන්ට උබ කියලවත් නෑ. මහත්තයා විතරයි. කොහොම වුනත් කට්ටිය විප්ලවේ දිනලා. සති 3 න් ආවලු සුපිරි කට්ටියක් කැන්ටිම කරන්න.

කේලම.......

 බ්ලොග් ලියන එක එපා... වෙන්නේ comment නැති වෙනකොට තමයි. comment නොතිබුනොත් ආයේ ලියන්නේ නම් නෑ..

මම
හිරේ වැටිලා අදට මාස 3 යි දවස් ගානයි.  මේ සිද්දිය වුනේ නම් මාව හිරේ වැටිලා මාස 2 ට විතර පස්සේ. wedding එකෙන් පස්සේ අපි අපේ මහ ගෙදර නතර වුනා. මේ අතරේ දවසක් අපේ අම්ම අදුනන කෙනෙක්  අම්මව බලන්න අපේ ගෙදර ආවා. එයා මගේ wife ව දැකල තිබුනේ නෑ මීට කලින්. ඒ වෙලාවේ මම මගේ කාමරේ හිටියේ. wife එයාව අදුනන්නේ නැති වුනාට එයා අම්මව අහගෙන ආපු නිසා ගෙට එන්න කියලා අම්මව අහගෙන අමුත්තෙක් ආවා කියන පණිවිඩයත් අම්මට දීගෙන wife කාමරේට ආවා.

දැන් ඔන්න මේ අමුත්තියි  අම්මත් එක්ක හෝ ගාලා කතාව. මේ කෙනා ඕපා දුප කියන්න ගිනි තියන්න උපන් හපන් කෙනෙක්. එත් අපේ ගෙදරටනම් එයා පලවෙනි වතාවට ආවේ. අම්මයි එයයි කතා කරන දේ අපේ කාමරේට හොදට ඇහෙනවා. මෙයාගේ හැටි දන්නා නිසා අම්මත් බොහොම පරිස්සමින් තමයි කතා බහ කලේ. අපේ ගෙදර ගැණු ළමයි නෑ. wife හිටියා කියලා එයාට එච්චර මීටර් වෙලත් නෑ. නැත්නම් එයා අම්මගෙන් මුලින්ම අහන්නේ ඒ ගැන.


අමුත්තා : එක නෙවෙයි මම මේ තකහනියක්ම ආවේ වැදගත් පණිවිඩයක් දෙන්න.

අම්ම : ඒ මොකක්ද?

අමුත්තා: ඔයාලගේ ලොකු පුතා දවස් 2 ට කලින් ගැණු ළමයෙකුත් එක්ක bike එකේ යනවා මම දැක්ක,

අම්ම : නිහඩයි .....

අමුත්තා : පොඩ්ඩක් හොයල බැලුවොත් නරකද? මේ වයසට කොහෙවත් යන උරචක්කරමාලයක් වත් අල්ලගත්තොත්....  bla ....  bla .... bla ......

අම්ම : එත් නිහඩයි

අමුත්තා: මේ දේවල් දැකලා නොකියා ඉන්න එක හරි නැති නිසා තමයි තකහනියක් මම මේ ආවේ කියන්න.

අම්ම : ගොඩක් ස්තුතියි පණිවිඩේ දුන්නට ඒ ලොකු පුතාගේ wife

අමුත්තා : ඇ කොල්ල ඒ කෙල්ලව බැදලද? අපරාදෙනේ... ඔයාලගෙත් වැරදි ටිකක් හොයල බැලුවනම් ඔය වගේ දෙයක් වෙන්නේ නැනේ. bla ....  bla .... bla ......(එයා කතා කරන්නේ අපි හොරෙන් පැනලා ගිය ගානට )

අම්ම :  මම හිතන්නේ ඔයාට වැරදීමක් වෙලා. ඒ දෙන්න යාලු වෙලත් ගොඩක් කල්. ගෙවල් දෙකෙන්ම කතා කරලත් අවුරුදු 2 ක් විතර වෙනවා. අපි හොදට හොයලා බලලා තමයි කලේ.
    දෝනි (අම්මා wife ට කතා කරන්නේ දෝනි කියලා) ඔය wedding ඇල්බම් එකයි DVD එකයි අරන් එන්න මේ ඇන්ටි ට බලන්න.

අම්මා wife ව එයාට අදුන්වලා දීලා ඇල්බම් එකත් පෙන්නලා DVD එකත් යැව්වා බලන්න කියලා (එයාගේ සැකේ නිවැරදි කරන්න) 


එයා ගියාට පස්සේ කාමරේට ආවා wife කිව්වේ "හොද වෙලාවට අපි ගෙවල් වලට හොරෙන් යාලු වෙලා ඉන්න කාලේ මේ කෙනා දැක්කේ නැත්තේ" කියලා

adsense සහ වෙනත් ඒවා.....

මම මේ වගේ මාතෘකාවක් ගැන කොහෙත්ම ලියන්න නම් නෙවේ හිටියේ. එත් මේ බ්ලොග් ලියන හැමෝම ඇඩ්සෙන්ස් ගන්න මහන්සි වෙන නිසා තමයි මම මේ ලිපිය ලියන්නේ.
ඇඩ්සෙන්ස් කියන්නේ ලෝකයේ අංක එකේ අඩ්වටයිසින් ආයතනයක්. ඒ වගේම තවත් ආයතන ගොඩක් තියනවා. කවුරු කොහොම කිව්වත් මේ කිසිම ක්‍රමයකට මාසෙකට ලක්ෂ ගණන් නම් හොයන්න බෑ (මගේ මතය) ඒත් යම් කිසි ප්‍රමාණයක් හොයන්න පුළුවන්.

අපේ බ්ලොග් එකට ඇඩ් දාගත්තම සල්ලි හම්බ කරන්න නම් කවුරු හරි අපේ ඇඩ් click කරන්න ඕනේ. එහෙම click කරන්න නම් අපේ site බලන්න කට්ටිය එන්න ඕනේ. එත් මෙහෙම එන හැමෝම ඇඩ් click කරන්නේ නෑ. සමහර විට 100 දෙනෙක් ආවත් එක click එකක් වත් නැති වෙන අවස්ථා තියෙනවා. ඇඩ් එකක් දැක්කම එකේ තමන්ට වැදගත් දෙයක් තියෙනවනම් විතරයි කෙනෙක් එක click කරන්නේ. සමහර අය වැදගත් උනත් ඇඩ් click කරන්නේ නෑ, තව කෙනෙක් එකෙන් කීයක් හරි හම්බ කරගන්න නිසා. මේ මානසිකත්වය තියෙනකම් කාටවත්  සල්ලි හම්බ කරන්න බෑ බ්ලොග් එකෙන්.

එහෙම කියලා දකින දකින site එකේ දකින දකින ඇඩ් click කරන්න ගියත් ඒ පුද්ගලයට ඔබ කරන්නේ හානියක්. ඔබ යම්කිසි වෙබ් හෝ බ්ලොග් අඩවියකට ගියාම එකේ විනාඩි 5-6 ක් හිටියනම් ඔබ ඒ වෙබ් හෝ බ්ලොග් අඩවියෙන් යම් කිසි දෙයක් ගත්තනම් (ඔබේ ජීවිතයට, දැනුම හෝ වෙන යම් දෙයක් ) එයට ගෙවීමක් විදියට ඒ වෙබ් හෝ බ්ලොග් අඩවියේ තියෙන ඇඩ් දෙසත් ටිකක් බලලා ඒවායිනුත් ඔබට වැදගත් වෙයි කියලා හිතෙන (යම්කිසි දැනුම හෝ වෙනයම් දෙයක් ඔබට ගත හැකි) ඇඩ් එකක් විතරක් click කරන්න. click කරලා විතරක් මදි එහිදී ලැබෙන වෙබ් පිටුවේ ඔබ ටික වෙලාවක් ගත කරන්න ( ඉන් ඔබේ ජීවිතය යමක් ගන්න ) එවිට ඔබ ඉබේම ඔබ යමක් ගත් වෙබ් හෝ බ්ලොග් අඩවියට යම් කිසි ගෙවීමක් කර අවසන්. මේ විදියට හැමෝම හිතුවොත් ඇඩ්සෙන්ස් නෙවෙයි මොන ඇඩ් බ්ලොග් එකට දැම්මත් හැමෝටම කීයක් හරි හොයාගන්න බැරි කමක් නෑ. මෙහිදී ඔබ මතකතබා ගත යුතු අනෙත් වැදගත්ම කාරණය වන්නේ ඔබ යම් බ්ලොග් අඩවියක ඇඩ් එකක් click කලේ නම් නැවත දින 12-14 ක් ගත වන තුරු එම බ්ලොග් අඩවියේම නැවත ඇඩ් click නොකිරීමට වග බලා ගන්න.

වැදගත් : ඔබ යම් කිසි බ්ලොග් අඩවියක  ඇඩ් එකක් හිතා මතාම click කරන්නේ නම් මා ඉහත පැවසු පරිදි ඔබ ඒ වෙබ් හෝ බ්ලොග් අඩවියෙන් යම් කිසි දෙයක් ගත්තනම් (ඔබේ ජීවිතයට, දැනුම හෝ වෙන යම් දෙයක් ) එයට කල ගුණ සැලකීමේ අදහසින් පමණක් click කරන්න. මා වැරදි නම් නිවැරදි කරන්න. comment ඉතා අගේ කොට සලකමි.

දුම් පරීක්ෂණය

මම ගිය සතියේ ගියා මගේ discover යානයේ දුම් පරීක්ෂණය කරන්න. දන්නවනේ දුම් පරීක්ෂණය කරන්නේ අයි කියලා. දන්නේ නැති අය දන්නා කෙනෙක්ගෙන් අහ ගන්න හොදේ.

"පදවන්න කොළ" තැනකට තමයි මම ගියේ. වෙලාව උදේ 9.30 ට විතර ඇති. යනකොට එතන වාහන තිබුනේ නෑ. එතන හිටි සේවකයෙක් මට කතා කළා.
සේවකයා: මහත්තයා මොකක කරගන්නද?

මෙතනට එන්නේ අල තම්බගන්නද? කියල අහන්න හිතුනා.එත් ඇහුවේ නෑ.

මම : bike එකේ එකේ smoke test එක කරගන්න කියලා.
සේවකයා : අපේ manager මහත්තයලා දෙන්නම දැන් එලියට ගිහිල්ල. එනකොට 10.30 විතර වෙයි. එයාල නැතුව රෙපොර්ට් එක අත්සන් කරන්න විදියක් නෑ.
මම : හා කමක් නෑ.මම ගිහින් එන්නම්.

කියලා 10.30 වෙනකම් insurance එක කරගන්නවා කියලා හිතලා එතනින් පිටත් වුනා. පිටත් වුනාට මට sure නෑ අර manager ල දෙන්න 10.30 ටම එයිද නැත්ද කියලා. ආපහු discover යානය  land කළා  දුම් පරීක්ෂා කරන තැනට.

මම : excuse me, sure එකට 10.30 ට කරගන්න පුළුවන් වෙයි නේද?
සේවකයා: 10.30 කිව්වට පොඩ්ඩක් එහෙ මෙහෙ වෙයි.
මම : 11 ට එන්නම් එහෙනම් මම?
සේවකයා: කෝකටත් මහත්තය 1 ට 2 ට විතර එන්නකෝ.ඒ වෙලාවට ආවම ඉදිවී. 

මට හොදටම කේන්තියි දැන්නම්.

මම : ලොකුවට board එකක් නම් ගහල තියනවා මෙච්චර විනාඩි ගානකින් දෙනවා කියල, කරගන්න ගියාම පැය ගානක් රස්තියාදු වෙන්න  ඕන. මොකටද ඔයාල මේක ඇරලා තියෙන්නේ?

කියලා මම එතනින් පිටත් වෙලා තවත් 15 km ගිහින් වෙන තැනකින් දුම් ටෙස්ට් එක කරගෙන license , insurance , හදාගෙන 11.30 වෙනකොට ගෙදරත් ආවා.

අවුරුදු 60 ගැණු ළමයා

මේ කතාව සිද්ද වුනෙත් මගේ යාළුවගේ pharmacy එකේදී. මේ pharmacy  එකෙන් බෙහෙත් ගන්න එන උදවියට අවශ්‍ය වුනොත් ඉදගන්න පුටු කිහිපයක් පැත්තකින් තියල තියනවා. ගැබිණි මවක් ස්වාමින් වහන්සේ කෙනෙක් වයසක කෙනෙක් හිටගෙන ඉන්න අමාරු කෙනෙක් ආවම  ඉදගන්න තමයි මේ පුටු තියලා තියෙන්නේ. ඒ වගේම මේ pharmacy එකේ board ගහල නොතිබුනාට වයස 57 ට වැඩි අයට සම්පූර්ණ බිලට 5% ක discount  එකක් දෙනවා.   (දැන් අහන්න එපා වයස දැනගන්නේ කොහොමද කියලා. දොස්තර මහත්තුරු දෙන කොලේ වයස සදහන් කරලා තියනවා.)

ඔන්න දවසක්
වයස 60 ක විතර ගැණු ළමයෙක් මෙතනට ආවා බෙහෙත් ගන්න. (අපහාසයකට නෙවෙයි එහෙම කිව්වේ. කතාව කියල ඉවර වුනාම comment එකක් දාන්නකෝ මම එහෙම කිව්වා එක හරිද වැරදිද කියල)

මේ වෙලාවේ
pharmacy   සෙනග ටිකක් හිටපු නිසා මගේ යාලුවා මේ තැනැත්තියගේ බෙහෙත් තුණ්ඩුව ඉල්ලගෙන මෙහෙම කිව්වා.

යාලුවා: අම්මා ටිකක් විතර වෙලා යනවා බෙහෙත් ටික දාන. එතකම් අම්මා ඔය පුටුවකින් වාඩි වෙලා ඉන්න මම බෙහෙත් ටික ලෑස්ති කරලා කතා කරන්නම්.

රෝගියා: හ්ම්...    ඔයා හිතුවද මම 60 පැනලා කියලා හිටගෙන ඉන්න බැරිවෙන්න.
යාලුවා: එතකොට අම්ම මේ දොස්තර මහත්තයා ලියල තියෙන්නේ වයස 60 කියලා වැරදිලා වෙන්න ඇති නේද..?

කොහොමහරි විනාඩි 5 න්විතර යාගේ බෙහෙත් ටික ලෑස්ති කරලා බිලත් හැදුවා. 5% discount එක දැම්මම ගාන ආවේ රුපියල් 129.75( ආසන්න සත 25 ට වටයුවම )


බිලේ නිවැරදි ගන්නයි discount එක දැම්මම ගානයි සදහන් කරලා 130 යි කියලා දාල වටෙන් ලොකු රවුමකුත් ගැහුවා. (දන්නවනේ බිල් වල ගාන වටේ රවුමක් අදින්නේ අන්න එක, දන්නේ නැති ය දන්නා කෙනෙක්ගෙන් අහල බලන්න)


දැන් මේ තැනැත්තිය රුපියල් 150 ක් දුන්න. යාළුවා රුපියල් 20 ක් ඉතුරු දෙන ගමන් මෙහෙම කිව්වා.


යාලුවා: අම්මා සත 25 ක් නම් නෑ. කමක් නෑ නේද ?

රෝගියා: හ්ම්....   අපි දන්නවා ඔයාලත් අර කොxxxතර  ලා වගේ ඉතුරු සල්ලි නොදී දවසකට ලොකු ගානක් ගහගන්නවා කියලා.

(ඒ ගැණු කෙනාට දුන්න 5% discount එකට වඩා අර සත 25 ඉතුරු නොදුන්නා එක තමයි දැනිලා තියෙන්නේ. ඇත්තටම ඒ වෙලාවේ ලාච්චුවේ සත 25 ක් තිබුනේ නෑ)



 

මට එපා... වෙලා.. තියෙන්නේ....

ටික දවසක් පෙනෙන්න හිටියේ නැති වුනාට ගොඩක් අය මම ගැන හොයල බලන්න පැල්පතට ආවා ගියා. හැමෝටම ස්තුතියි. ලිපියක් ලියන්න වෙලාවක් නොතිබුනත් පුළුවන් හැමවෙලාවෙම ඔයාල ගේ ලිපි කියවන්න අමතක කලේ නෑ.

ටික දවසකට කලින් මගේ පරිගණකයේ  mother board   එක නොඑනා ගමන් ගියා. ඉතින් මම කොහොමද බ්ලොග් ලියන්නේ. අලුතින් එකක් ගන්න සල්ලිත් නෑ. මගේ පරණ අයින් කරපු computer එකක් තිබුනා. දෙකේ කැලි එකතු කරලා යන්තම් අටවගත්තා කියමුකෝ.. මෙන්න hard ඩිස්ක් එකත් නොඑනා ගමන් ගියා. දැන් පරණ එකේ තිබුන 10GB එකෙන් තමයි වැඩ කරන්නේ.

Slow ...   Slow ...    Slow ...

හරිම Slow

මටනම් දැන් එපා වෙලා
ඒ වුනාට මේකනම් කැඩෙන්න එපා.
කඩුනොත්නම් මේ ලියන ටිකත් ලියන්න බැරිවෙයි.  අද හෙටම ඉක්මනටම ආයේ හමු වෙමු.

පැල්පතට අලුතින් දෙයක් එක් කළා

ඔන්න පැල්පතට අලුතින් දෙයක් එක් කළා ඔය දකුණු පැත්තේ තියෙන්නේ. කොමෙන්ට් එකකුත් එක්කම කෙයක් හරි දාලම යන්න.

චූටි ගඩ්ඩා ගේ අභාවය......

අපේ ගෙදර ලස්සන පූසියක් ඉන්නවා. හුරතලේට කවුරුත් කිව්වේ "චුටි" කියලා. ගෙදර හැමෝගෙම හිත දිනාගන්න චුටිට වැඩි කලක් ගියේ නෑ. වැඩියෙන්ම නිදාගන්න කැමති මගේ bike එක උඩ. (ඒ දවස්වල බිකේ එක තියන්නේ සාලේ) TV එක උඩ නිදන්නත් කැමතියි.

මේ අතර චුටි pregnant වුනා. (ඔව් ඔව් එහෙම වෙලා තමයි) පුසියෙක්ගේ ගර්භනී කාලය ටිකක් සමීපව බලන්න මට මේ දවස් වල ඉඩ ලැබුනා. චුටි එන්න එන්නම දිනකට කෑම ගන්න අවස්ථා ගණන වැඩි වුනා. ඒ වගේම ගොඩක් පරිස්සම් වගේම වෙනදාටත් වඩා පිරිසිදුව ඉන්න පෙලබුනා. අන්තිම දවස් ලං වෙනකොට bike එක උඩ නිදාගන්න එක අත ඇරලා බිම නිදාගන්න පටන් ගත්තා.

දැන් බඩ ගොඩක් ලොකුයි. මේ අතරේ එක දවසක් උදේ නැගිටිනකොට චුටි පෙනෙන්න හිටියේ නෑ. සාමාන්‍යයෙන් උදේ අම්මා නැගිටිනකොට නැගිටලා එන්න චුටි පුරුදු වෙලා හිටියේ. නැගිටලා ඇවිත් අම්ම දෙන biscuit  එක කාලා අම්මා උයනකම් අම්මා ලගට වෙලා කුස්සියේ තියෙන පුටුවක නිදනවා. එත් එදා උදේ චුටි පෙනෙන්න හිටියේ නෑ.

චුටි...  චුටි.......

කොච්චර කතා කලත් චුටි නම් අවේ නෑ...

උදේ 7.30 ට විතර එක කාමරයක සද්දයක් ආවා. සද්දේ මොකක්ද කියලා බලනකොට "චුටි" පරණ වයර් තියන පෙට්ටියක පැටව් 3 ක් දාලා. තුන් දෙනාම චුටි වගේම හදයි. ඒ පාටමයි. චුටි මේ පැටව් තුන් දෙනාට ගොඩක් ආදරේ කළා. කන්න බොන්නවත් එලියට අවේ නෑ පලවෙනි දවසේ. දෙවෙනි දවසේ ඉදලා කන්න බොන්න ආවත් පැටව් තුන් දෙනාම හොදටම නිදා ගත්තට පස්සේ විනාඩි කිහිපයකට විතරයි.

තුන් වෙනි දවසේ උදේ එක පැටියෙක් මැරිලා හිටියා. අපිට වගේම චුටි ටත් දුකයි. පැටියව වළදාපු තැනට ගිහින් විනාඩි කිහිපයක් හිටපු චුටි ආයේ අනිත් පැටව් දෙන්නා ලගට ආවා. ඊලග දවසේ උදේ බලනකොට තවත් පටියෙන් මැරිලා. චුටිට වගේම අපිටත් හිතට ගොඩක් අමාරුයි.

එත් අනිත් පැටියා ටික දවසකින් ඇස ඇරියා. මේ ඉන්නේ එයා. නම "චුටි ගඩ්ඩා"

අම්මයි පැටියයි බොහොම නිරෝගිව වගේම පෘෂ්ටිමත්ව හිටියා. දෙන්නා ගෙදර යකා නටන්න ගත්තා. ගෙදර අයටත් විනෝදයක් වගේම සිනා සාගරයක් වෙන්න මේ දෙන්නට පුළුවන් වුනා. "චුටි ගඩ්ඩා" වැඩියෙන්ම සමීප වුනේ මට. මම කොහේ හිටියත් මගේ ඔඩොක්කුවට එන්න "චුටි ගඩ්ඩා" පුරුදු වුනා.

key board එකේ ඇවිදින්න, ඇදේ මුත්‍රා කරන්න එහෙමත් "චුටි ගඩ්ඩා" අමතක කලේ නෑ. මෙහෙම මාසයක විතර යනකොට "චුටි ගඩ්ඩා" අසනීප වුනා. අපි "චුටි ගඩ්ඩා" ව දොස්තර මහත්තයෙක් ලගට එක්ක ගියා. බෙහෙත් දුන්නත් "චුටි ගඩ්ඩා"ව දවසකට වඩා ජීවත් කරවන්න එයාටත් බැරිවුනා. ගෙදර හැමෝටම දුකයි. චුටි දවසක් විතර යනකම් කෑම කෙවෙත් නෑ. "චුටි ගඩ්ඩා" හොද තැනක ඉපදිලා දීර්ගායු ලැබෙන්න ලැබෙන්න කියලා හැමෝම හිතෙන හිතුවා.

කල් ගත වුනා. "චුටි ගඩ්ඩා" ව මතකයෙන් අයින් වීගෙන එන්න පටන් අරගෙන. එත් චුටි අයෙමත් pregnant . "චුටි ගඩ්ඩා" වගේ හුරතල් ලස්සන පැටව ටිකක් අයෙමත් ලැබෙන්නත් කලින් වගේ අකල් මරණ වලට ගොදුරු නොවෙන්නත් මම ප්‍රර්ථනා කරනවා....

phone එක හෙල්මට් එක අස්සේ තියාගෙන යාම

bike පදින ගොඩක් අය phone එක හෙල්මට් එක අස්සෙනේ දාගෙන යන්නේ. එහෙම යන මගේ යාලුවෙකුට වුන වැඩක් තමයි මේ.

මගේ යාලුවා ටිකක් ජනාකීර්ණ නැති ප්‍රදේශයක පාරක් දිගේ ඉස්සරහට යනවා. යාළුවා ජනක. law student කෙනෙක්.  මිනිහා
මලක් කඩ කඩ ඉස්සරහට යනවා. ඔහොම යනකොට ජනකට හතරමන් හන්දියකට ඇවිත්. ජනකට තියෙන්නේ හරස් පාර cross කරලා කෙලින්ම යන්න. පාර cross කරපු ගමනම එහාපැත්තෙ හිටපු යාලුවෙක් පාරට අත දැම්මා.  ජනක bike එක පාර අයිනේ නවත්තලා call  එක cut කරලා  license , insurance එහෙම අරගෙන කලින් කිව්ව නිලධාරියා ලගය ගියා. දැන් අර නිලධාරියා දඩ කොලයක් ලියන්න සැරසෙනවලු.

ජනක : ඇයි මහත්තයා මොකක්ද වැරැද්ද?

පො : දන්නෙම නෑ. දැන් මෙච්චර වෙලා phone call එකක නේද ආවේ?
ජනක: නෑ   ඕනෙනම් phone එක check කරලා බලන්න.
පො: එහෙනම් හෙල්මට් එක අස්සේ තිබුනේ මොකක්ද?
  හොද වෙලාවට පොලිස් නිලධාරියා phone එක check කරලා බලලා නෑ. එත් දඩය ලියන්නමලු හදන්නේ.

පො: ඔය ළමයා මොනවද කරන්නේ?

ජනක: මම campus එකේ?
පො: රටට ආදර්ශයක් වෙන්න ඕන ළමයි මෙහෙම වැරදි වැඩ කරනවට පාඩමක් උගන්නන්නම ඕන. අනික call එකක් ගත්තා හෝ නොගත්තා හෙල්මට් එක අස්සේ phone එක තිබුනොත් කොයි වෙලේ හරි call එකක් අවොත්  drive කරන අවධානය බිදෙනවා.(දඩය ලිවීමට පොත දිග අරී )

ජනක : මේ මහත්තයා මම final year law student කෙනෙක්. මම ඉගෙන ගෙන තියෙන හැටියටනම් වාහනයක්
ධාවනය කරනගමන් ජංගම දුරකථනය භාවිතා කිරීම වැරදියි. හැබැයි ඒ දුරකථනය අතින් අරගෙන එක අතක් සුක්කානමෙන් අයින් කරගෙන පාවිච්චි කරනවානම්. මම එහෙම කලේ නෑ. අනික මම phone එකට auto answer දාල  තියෙන්නේ. ඒ නිසා call එකක් ආවත් මට අත අයින් කරන්න වෙන්නේ නෑ. අනික අවධානය වෙනස් වෙනවනම් මෙතනින් කී දෙනෙක් රෝද 4 රේ වාහන ගෙනියනවද hands free එක ගහල phone එක use කරන. ඇයි එයාලව අල්ලන්නේ නැත්තේ? අනික දැන් build in phone තියන වාහන පාරේ කොච්චර තියනවද. අනික ලග තියාගෙන ඉන්නවා කියන්නේ පාවිච්චි කිරීමම නෙවෙයිනේ. උදාහරණයක් විදියට ඔබතුමා ලග තියනවා රිවෝල්වරයක්. ලග තියාගන හිටියට පාවිච්චි කළා කියල කිව්වොත් එක කොච්චර අසාදාරණද?

පො: හා... යනවා යනවා.... ආයේ bike පදිනගමන් call අරගෙන අහු වෙන්නේ නෑ.


(මේක ජනකය අපිට කියපු කතාවක්, ඇත්තද බොරුද නම් දන්නේ නෑ.)

Blog Star....

පුංචි වුනත් පැල්පතේ වැඩ රාජකාරි බොහොමයි. ඉතින් පහුගිය ටිකේ මොනවත් කුරුටු ගාන්න වෙලාවක් තිබුනේ නෑ. එත් පුළුවන් හැම වෙලාවේම බ්ලොග් කියවන්න නම් අමතක කලේ නෑ. ඒ අතරින් සිත් ගත්ත දෙයක් තමයි  සින්ඩි ලංකා එක කරන "බ්ලොග් ස්ටාර්" තොරණ තරගය. මේක බ්ලොග් ලියන අපි වගේ අයට අත දීමක් විදියටයි මම දකින්නේ. මගේ අඩවියත් හොදයි කියලා හිතෙනවනම් මෙතනට ගිහින් "my cottage "   එකට මනාපයක් දන්නා අමතක කරන්න එපා.

කළුවරට බයවූ තෝමස් අල්වා එඩිසන් Thomas Edison

විදුලි බල්බය නිපදවූ එඩිසන්ගේ 164 වෙනි ජන්ම දිනය ඊයෙට් දී තිබුණු අතර, ලෝකයට නව නිර්මාණ විසාල ගණනක් ලබාදුන් පුද්ගලයෙකි. ප්‍රයෝගික විදුලි බල්බය ක් පළමුවෙන්ම නිපදවූ පුදගලයා ලෙස එඩිසන් වාර්තා වන අතර ඔහු කළුවරට ඉතා බිය පුද්ගලයකු ලෙස වාර්තා වේ. එසේම ජනප්‍රවාදයට අනුව ඔහු බල්බ 999 නිපදවා වැරදුනු අතර ඔහුගේ 1000 වෙනි බල්බය සාර්ථක වුනු බව පැවසේ. 1000 ක් කෙසේ වෙතත් ඔහුට ඒ හා සමාන අවස්ථා ගණනක් වරදින්නට ඇති. එහෙත් ඉන් පසුබට නොවී ඔහුගේ ඉලක්කයට ඔහු නොගියානම් සමහරවිට අද මෙවන් දේ ලොව බිහි නොවන්නටත් ඉඩ තිබිණි.

ඉලන්දාරියා වෙනුවෙන් ඔබත් විහාර මහාදේවී උද්‍යානයට එන්න.

මේ ලිපිය මගේ එකක් නෙවේ. උපුටා ගැනීම මෙතනින්.

අපි කතා කරමු... මේ සුවිසල් අභියෝගය ජය ගමු.... එකාවන්ව පෙල ගැසෙමු.... දිලුම්ගේ සවන් හොරාගෙන යන්න ඉඩ නොතබමු...  

දිනය : 2011 පෙබරවාරි මාසයේ 12 වන දින

වෙලාව : පස්වරු 02.00

කොළඹ විහාර මහා දෙවී උද්‍යානයට.. වෙලාව පස්වරු දෙකට. 

හැමෝම එන්න

ගැහැණු ළමයි සහ උපත් පාලන පෙති.. 2 Girls & Birth control pills - 2

මගේ පහුගිය ලිපිය සම්පූර්ණයෙන්ම පලකරන්න බැරි වුනාට සමා වෙන්න. හදිසි වැඩකට එලියට යන්න වුනා. ඒ වගේම නිවී සැනසිල්ලේ පොස්ට් එක ලියන්න වෙලාවක් අවෙත් නෑ. සමහර ය මට බැනලත් තිබුනා. iplus  නමින් comment කල සහෝදරයාට ස්තුතියි. දැන් මම අයෙත් කතාවට එන්නම්. පහුගිය ලිපිය බලන්න බැරිවුන ය මෙතනට එන්න.

මම කිව්වනේ 8 පහු වුනාට
පස්සේ pharmacy එකට ගොඩක්ම එන්නේ වැඩට ගිහින් ගෙදර යන ගමන් එන අය කියලා. ඉතින් මේ අය ගොඩක්ම ගන්නේ එක්තරා ආකාරයක උපත් පාලන පෙති වර්ගයක්. ඇත්තෙන්ම මේ පෙති භාවිතා කරන්නේ හදිසි ගැබ් ගැනීමක් වලක්වන්න මිසක් ස්ථිර උපත් පාලන ක්‍රමයක් විදියට නෙවෙයි.( හදිසි ගැබ් ගැනීමක් කියල කිව්වේ සංසර්ගයේ යෙදෙනකොට කොන්ඩමය ඉරීයෑම වගේ අවස්ථාවන්.) මේ උපත් පාලන පෙති නිතර භාවිතා කරන්න සුදුසු නෑ. හේතුව මේ පෙතිවල  එක්තරා හෝමෝන වර්ගයක් අධික සාන්ද්‍රනයෙන් තිබීම සහ දිගු කලක් ගැනීමෙන් මින් ඇතිවන අතුරු අභාද වැඩි වීමයි.

දවස් 2-3 ක් මේක බලන් හිටපු මම මගේ යාලුවගෙන් ඇහුවා මේ මිනිස්සු මේ tablet  family planing system එකක් විදියට භාවිතා කරනවා වගේ නේද පෙනේනේ කියලා. හිස සලා මගේ කතාව අනුමත කල මගේ යාලුවා මගෙන් ඇහුව "මචන් උබ දන්නවද දවසකට මම මේ බෙහෙත් card කීයක් විකුණනවද කියලා?"
හිස දෙපසට සලා "නෑ" ලෙස පිළිතුරු දුන් මට මගේ යාළුවා දුන් පිළිතුර වන්නේ "card  60 කට වැඩි බවය.

"උබ දන්නවද මේවා වැඩියෙන්ම ගන්නේ uniform එකෙන් එන එස්කොලේ ළමයි, ගැහැණු ළමයිනුත් එක්කෙනෙක් දෙන්නෙක් එනවා දවසකට."

පසු වදන : ඇත්තෙන්ම මේ පෙති නිතර භාවිතා කරන්න හොද නෑ. අනිත් කාරණේ කවුරු මිලදී ගත්තත් මේවා බොන්න වෙන්නේ කාන්තාවකට. වඩාත්ම බරපතලම කාරණේ මේවා මිලදී ගන්නේ පාසල් ළමුන් වීමයි. මේ ලිපියට ලැබෙන ප්‍රතිචාර අනුව සමාජය නොදුටු හෝ දැක දැක ඒ පිලිබදව කතා නොකරන මාතෘකාවක් ගැන ඔබව දැනුවත් කිරීමට බලාපොරොත්තු වන අතර ඉදිරි ලිපියකින් උපත් පාලන ක්‍රම නිවැරදිව භාවිතා කරන අයුරුත්  ලිවීමට බලාපොරොත්තුවෙන් සිටිමි.

ගැහැණු ළමයි සහ උපත් පාලන පෙති.. Girls & Birth control pills

බ්ලොගයට ආවේ ටික දවසකින්. පැල්පතේ ඉන්න උදවිය ජීවත් කරවන්නත් ඕනෙනේ. ඒ නිසා මේ දවස් වල ටිකක් වැඩ. අපු ගමන්ම සතුට දනවන ආරංචියක් මටනම් ලැබුනේ. ඒ පැල්පත ඉදිකරලා මාසයක් යන්නත් කලින් මගේ පැල්පතට 1000 කට වඩා පිරිසක් ගොඩ වැදිලා. හැමෝටම බොහොම ස්තුතියි. ඒ වගේම මගේ පැල්පත follow කරන 13 දෙනෙකුත් ඉන්නවා. ඒ අයටත් ස්තුතියි. comment  ටිකක් වැඩිපුර ලැබෙනවානම් තවත් ලියන්න උනන්දු වෙන්න හිතෙනවා.

දැන් මාතෘකාවට එන්නම්. මගේ යාලුවෙක් මේ ලගදී දිවයිනේ ප්‍රධාන නගරයක පොඩි
pharmacy එකක් දැම්මා. ඉතින් මමත් හවසට මේ pharmacy  එකට ගොඩවැදිලා පොඩි චැට් එකක් දාගෙන ඉන්නවා. දාපු අලුත නිසා business හොදටම නෑ.  මම මේ pharmacy  එකේ  හවස 7 විතර ඉදලා 8.30 විතර වෙනකම් ඉන්නවා. 8 පහු වුනාට පස්සේ ගොඩක්ම එන්නේ වැඩට ගිහින් ගෙදර යන ගමන් එන අය.

හදිසි වැඩකට මට එලියට යන්න වුනා. ඉතිරි ටික පැය 24 ක් ඇතුලත 
දාන්නම් . රැදිලා ඉන්න. මේක හැමෝටම වැදගත් වේවි.

පළමු වතාවට යට ඇදුමක් තේරීම Selecting an underwear for 1st time

ජීවිතේට යහළුවෙක් තොර ගන්න එක
හරියට සුපිරි වෙළද සලකින් ඇදුමක් තෝරනවා වගේ
හරි නැත්නම් මාරු කරන්න පුළුවන්
ඒත්  පළමු වතාවට සුපිරි වෙළද සලකින් යට ඇදුමක් තොරන්න්න ගියාම
හිතට ප්‍රශ්න වැලයි
එච්චර හිතල ගත්ත යට
ඇදුම හිතට අල්ලන්නේ නැත්නම්..
..............?
විවාහයත් ඒ වගේ ...

කටුව ගැලවීම.. Removing the needle

මුලින්ම කියන්න ඕනේ මේ කතාව කියන්නේ කාවවත් හෑල්ලු කරන්නවත් පුද්ගලයෙකුගේ දුර්වලතාවයක් වරදවා වටහාගන්න වත් නෙවෙයි. කතා රසය උදෙසා විතරක් මේ දේ ලියන්නේ. සමහරවිට මේ දේ හෙට ඔබට හෝ මට වෙන්නත් පුළුවන්. ඒ නිසා මෙහි කතා රසය විතරක් විදලා ඊට අදාළ කෙනා ගැන වරදවා නොහිතන මෙන් ඉල්ලා සිටිනවා.

මේ සිද්දිය වුනේ මේ මෑතකදී එක්තරා රෝහලක. මේ රෝහලේ නේවාසිකව ප්‍රතිකාර ලබමින් හිටියා රන්ජිත් කියලා කෙනෙක්. ඉතින් මේ රන්ජිත් ටිකට් කපලා ගෙදර යන දවසේ එයාව එක්ක යන්න ඇවිත් හිටියේ එයාගේ අම්මා. රන්ජිත්ලා ටිකක් ගම්බද ප්‍රදේශයක ජිවත් වුනේ. රංජිත්ගේ අම්මා ටිකක් විතර වයසක කෙනෙක්. ටිකට් කපලා රන්ජිත් ගෙදර ගියාට පස්සේ රන්ජිත්ව බලා ගන්න ඕන විදිය වාට්ටුවේ හටිය හෙදියක් රංජිත්ගේ අම්මට පැහැදිළ කරලා දුන්නා. මේ පැහැදලි කිරීම ඉවර වෙලා මේ හෙදිය රංජිත්ගේ අම්ම්මට මෙහෙම කිව්වා.
"අම්මා, රංජිත්ගේ අතේ කටුවක් තියනවා, යන්න කලින් මතක් කරලා එක ගලවාගෙන යන්න" කියලා
හොදයි නෝනා කියපු රංජිත්ගේ අම්මා තමන් ඇදගෙන හිටිය සාරි හැට්ටෙන් හැට්ට කටුවක් ගලවාගෙන රන්ජිත් ලගට යන්න සැරසෙන කොට තමයි හෙදියට තේරුනේ රංජිත්ගේ අම්මා ඒ කතාව තේරුම් අරගෙන තියෙන්නේ වැරදි විදියට කියලා.

කාන්තාව හදුනාගන්න... Understand the women

මේ මට ලැබුණු e -mail එකකින් උපුටා ගත්ත දෙයක්.

ලා... උනට, උන කටුව කැඩීම Braking the Medical thermometer

මේ ලිපිය ලියන්න කලින් කියන්න තියනවා දෙයක්. ඒ තමයි මගේ කලින් ලිපියෙන් "අපේ ඉලන්දාරියා" ට අපහසුවක් වුනානම් සමා වෙන්න. ගොඩක් සහූදරයින් ඉලන්දාරියා වෙනුවෙන් අත්වැල් බැදගෙන.
 

දැන් මම මගේ මේ ලිපිය පටන් ගන්නම්. මේ සිද්දිය වුනේ මගේ යාලුවෙකුට. එයා පාමසියක වැඩ කරන්නේ. මේ පාමසියට එක්තරා ස්ත්‍රියක් එනවලු ළමා පැනඩෝල් ගන්න. සතියකට දවසක් ඇවිත් සතියකට හරියන්න මේ කෙනා ළමා පැනඩෝල් ගන්නවලු. මෙහෙම සති 2 ක් විතර බෙහෙත් ගන්නකම් ඉදල මගේ යාලුවා මේ කෙනාගෙන් ඇහුවලු "අයි මිස් මොකද බබාට?" කියලා.
"බබාට ලාවට උන තියනවා. ඒකයි මේ" කියාලා එයා කිව්වලු
"මිස් දිගටම පවතින ලා උන එච්චර හොද රෝග ලක්ෂණයක් නෙවේ. එක දරුණු රෝගයක රෝග ලක්ෂණයක් වෙන්නත් පුළුවන්. ඒ නිසා බබාට ඩොක්ටර් කෙනෙකුට පෙන්නුවොත් තමයි හොද" යාළුවා කිව්වා.
මේ කතාව අහගෙන හිටපු මේ ස්ත්‍රිය එදා ගියාට පස්සේ අයේ පාමසියට ආවේ නැතිලු.
මෙහෙම මාසයක් විතර ගියාට පස්සේ දවසක් මේ ස්ත්‍රියයි එයාගේ සැමියයි දවසක් අයේ මේ පාමසියට ආවලු.
ඒ වෙලාවේ මගේ යාලුවා මේ ස්ත්රියගෙන් ඇහුවලු
"දැන් බබාට කොහොමද මිස් ?" කයලා
"දැන් අවුලක් නෑ" කියලා එයාගේ සැමියා කිව්වලු
"අවුලක් නෑ කිව්වේ?" මගේ යාළුවා ඇහුවා
"මම උන කටුව කඩලා දැම්මා.." 
සැමියා කිව්වලු

පසු සටහන : වෙලා තියෙන්නේ මේ දෙන්නට එයාලගේ යාලුවෙක් digital උන කටුවක් දීලා. ඉතින් මේ ස්ත්‍රිය හැමදාම බබාගේ උන බලනවලු. හැමදාම අගය 99.8 , 98.7 වගේ අගයන්ලු තියෙන්නේ. මගේ යාළුවා කිව්වට පස්සේ එයාල ඩොක්ටර් කෙනෙක් හමුවෙන්න ගහින්. බලනකොට උන කටුවේ දෝෂයක් තිබිලා. ඒ වගේම අන්සකයක් දෙකක් එහාට මෙහාට වුනාට කලබල වෙන්න ඕනේ නෑ කියලා දොස්තර මහත්තය කියලා. (මේ කතාවේ ඉස්සරහට දෙමවුපියෝ වෙන්න ඉන්න ඔයාලටත් ගන්න ලොකු දෙයක් තියනවා)

එක්වෙමු අපේම සහෝදරයෙක් වෙනුවෙන් ... Plz join hands


අන්තර්ජාලයේ බ්ලොග් පිරික්සන විට අහම්බෙන් මට කියවන්නට ලැබුණු අවස්තාවක් මේ. මේ සහෝදරයා වෙනුවෙන් ඔබට කල හැකි දෙයක් යමක් කරන්න. වැඩි විස්තර සදාහා ඔහු පළකර ඇති මේ ලිපිය කියවන්න.

$114,464 කට බයිසිකලයක් ගමුද? A bicycle for $ 114464

ස්කෑන්ඩේවියානු සමාගමක් වන "Aurumania " විසින් නිපදවා  ඇති මෙම බයිසිකලය $114,464 වන අතර කැරට් 24 රත්රන් ආලේපිත බව පවසයි. මින් සයිකල 10 ක් පමණක් නිපදවා ඇති අතර දැනටමත්  5 ක් විකිණී අවසන්ලු.

internet දැමීම

මේකනම් මටවත් ,මගේ කාටවත් සිදුවුණා දෙයක් නෙවේ. face book එකේදී මම අහපු කතාවක්
මේක වෙලා තියෙන්නේ හද්දා පිටිසර ගමක.මේ ගමේ විදුලිය. දුරකථන පහසුකම් එහෙම නෑ. මේ ගමේ හිටියලු කොලබ වැඩ කරන පුද්ගලයෙක්. එක සිකුරාදාවක මේ පුද්ගලයා රාත්‍රියේ ගෙදර එනවා. ගමේ ගුරු පාර දිගේ කළුවරේ ගෙදර බලා පයින් යන මේ පුද්ගලයාට එක ගෙයක් ලගින් යනකොට මෙහෙම කතාවක් ඇහෙනවා...( වෙලාව රාත්‍රී 10.15 ට විතර)

"මේ ඇහුනද? ඉන්ටනෙට් එක දාන්න"


දැන් මේ පුද්ගලයට හරිම පුදුමයි.current   telephone නැති ගමට ඉන්ටෙර්නෙට් ලැබුනේ කොහොමද කියලා. මේ ගෙදර ඉදල තියෙන්නේ ලගදි විවාහ වුනු ජෝඩුවක්. මේ දෙන්න ඉන්ටෙර්නෙට් දාගෙන මේ මහා රෑ බලන්න යන්නේ මොනවද කියලත් මේ පුද්ගලයට ගැටළුවක්. මේ පුදගලයා කලේ ගෙයි වරිච්චි බිත්තියේ සිදුරකින් ගේ ඇතුලේ වෙන්නේ මොනවද කියල බලන්න තීරණය කළා.


ක්ෂණිකව ක්‍රියාත්මක වුනු මේ පුද්ගලයා දැන් සිරුරෙන් බලනවා ගේ ඇතුලේ වෙන දේ. අනේ වෙන්නේ මොකක්ද?

ගැමි යුවතිය නිදාගන්න මදුරු දැල දාන්න සැරසෙනවා.

රේල් පිලි වලට ගිය කල what earthquake can do to a railway

  


මට මේ පින්තුර ලැබුනේ අහම්බෙන්. පහුගිය සැප්තැම්බර් වල නවසීලන්තයේ සිදුවුණා බුමිකම්පාවකින් පස්සේ මේ රේල් පිලි වලට වෙලා තිබිල තියන දේ බලන්න.

පඩුරු දැමීම

මේ සිද්දිය වුනෙත් නාලකටම තමයි. අපි යාළුවො කට්ටියට ගියා ට්‍රිප් එකක් කතරගම. ගිහින් එනකොට රෑ වුනා. වෙලාව 7 ට විතර ඇති. අපි හිටියේ රත්නපුරයයි ඇබිලිපිටියයි අතර රත්නපුරයට කිට්ටු කරලා. මට ස්තානය හරියටම මතක නැ. නාලක මේ වෙලාවේ කට කපලා නිදි.(ඉස්සරහ driver ලග sheet එකේ) drive කරපු අයිය පුංචි කඩපලක් ලග නැවැත්තුවා බුලත් විටක් ගන්න. මේ කඩපිල ලග තිබුනා පුංචි පිළිමයක්. ආදී දෙක හමාරක් විතර උස ඇති. පෙනුමෙන් සොල්දාදුවෙකුගේ රූපයට සමානයි. පිළිමය ඉස්සරහ පොඩි මේසයක් වගේ දෙයකුත් තිබුනා.ඊට  අමතරව spot light 2 න්එලිය විහිදුවලත් තිබුනා.driver අයිය එනකම් අපි මේ සොල්දාදු පිළිමය  ගැන කතා කරකර හිටියේ.
විනාඩි කීපයකින් driver   අයිය බුලත් විටක් අරගෙන ආවා. ඩොක්.....  අයියා දොර ඇරලා වැහුවා. ටිකක් හයියෙන් වහපු නිසා නිදාගෙන හිටපු නාලකත් ඇහැරුනා.

ඇයි ඇයි මොකද නැවැත්තුවේ. නාලක ඇහුව.

මචන් පාරු සල්ලි තියනවනම් අර දේවාලට පැදුරක් දාලා වලා වරෙන් නාලක, කියලා පිටිපස්සේ හිටපු රන්දික කිව්වා.

නාලක නිදි  මරගාතේම ගිහින් අර සොල්දාදුවගේ පිළිමේ ඉස්සරහ මෙසේ උඩින් කාසි කීපයක් තියල වැඩලා ඇවිත් වන එකට නැග්ග.


මචන් එතන දේවාලයක් වුනාට පන් පෙට්ටියක් වත් නෑ බන්. මම මෙසේ උඩින් පඩුර තියල ආවා කියල නාලක කිව්වා.


(එතන ඉදල නාලකට වුන දේ හිතා ගන්න පුළුවන්නේ. අදහසක් දාලම යන්න.)

පුස්සේ eleven

මේ ස්ද්දිය වුනේ මගේ යාලුවෙකුට. මිනිහ වාහනයකට නැග්ගොත් නිදනවා. යන්නේ කොහෙද ඉන්නේ කොහෙද කියල එයාට මීටර් නෑ. නාලක කියන nick name එකෙන් මම කතාව ගෙනියන්නම්.
දවසක් මම නාලකයි තව දෙතුන් දෙනෙකුයි එක්ක පොඩි ගමනක් යනවා. ගියේ වන එකක. ගිහින් එනකොට රෑ වුණා. නාලක ලග හිටියේ ජගත්. දෙන්නම හොදටම නිදි. ටිකකින් ජගත් ඇහැරුනා. ජගත් වටපිට බැලුව මේ කොහෙද කියල. කළුවර නිසා හොයන්න බෑ. ජගා ටිකිරි මොලේ පාවිච්චි කරලා  නාක්ලකත ඇහැරවලා phone එකෙන් බලන්න කිව්වා ඉන්නේ කොහෙද කියල. (නාලක ලග තිබුනේ nokia phone එකක්. එකේ dispay එකේ tower එක වැටෙනවනේ ) නාලකත් නින්දෙන් ඇහැරලා හොඳේ එක බලල කිව්වා " පුස්සේ  eleven " කියල. ජගා යේ ඇහුව කොහෙද කියල. "පුස්සේ  එලෙවෙන්" බන් "පුස්සේ  eleven " වැඩ නොදී නිදාගනිනිකෝ  තව දුරයි. ජගා පැනපු ගමන් නාලකගේ phone අක උදුරලා අරගෙන බැලුවා. display එකේ තිබිල තියෙන්නේ "pussall ... "  කියල. phone එකේ dispay එකේ සම්පූර්ණ වචනෙම display වෙන්න ඉඩ නැති නිසා කොටසනේ වැටෙන්නේ. හරි නම පුස්සැල්ලාව. නමුත් නාලකය නිදිමරගාතේ දැකල තියෙන්නේ "පුස්සේ  eleven " කියල.
පැල්පතට අදහසක් එල්ලලම යන්න.

හොද ගැහැනියක්, බිරිදක්, යුවතියක් මවක් වෙන්න... (Be a good woman , wife , girl ...)

මට ලැබුන e -mail එකකින් තමයි මේක මම උපුටා ගත්තේ. නිර්මාණය කාගේද කියල නම් ඒතිබුනේ නෑ. නමුත් මේකේ තියන අන්තර්ගතය ගොඩක් දෙනෙකුට වැදගත් වෙයි කියල හිතුන නිසා මම මේක "පැල්පතේ" එල්ලන්න හිතුව.  මෙතන කාරනා 100 ක් තියනවා.

සුදු ඉර කැපීම Part 3

කලින් ලිපිය  බලපු නැති අය මෙතන click කරන්න. සන්තෝසයි මට තව followers ල 2 ක් එකතුවෙලා. comment එකකුත් තියනවා.මෙහෙම වෙනකොට ලියන්න අස හිතෙනවා.ඔන්න කතාව. මම අයින් කරලා වාහනේ නැවැත්තුව.අර car එකට පොලිසියෙන් අත දැම්මේ නම් නෑ. මට දැන් වාහනෙන් බහින්නත් මොකක්ද වගේ. අයි දෙයියනේ  අත් දිග shirt එකක් ඇදලසරමකුත් ඇදල company ID එකත් දාගෙනනේ. මම වීදුරුව පහත් කරන කොටම පොලිස් නිලධාරියෙක් අව.

පො : good evening ,  මහත්තයා දන්නවද කරපු වැරැද්ද?
මම : නෑ මොකක්ද?
පො: සුදු ඉර කපන එක?
මම: sorry මම ........ මෙහෙ කෙනෙක් මට තව 200 km විතර යන්න තියනවා. රෑවුන නිසා අලි එයි කියල බයට ඉක්මනට යන්න හැදුවේ.අනික මට කලින් ගිය car එකත් ඒ වරද්දම කරානේ? ඇයි එයාව නැවැත්තුවේ නැත්තේ?
පො: එක එක දේවල් කියයි
මම: හරි දැන් මගේ ඇති වැරද්දක් වුනා. මට ආයේ මෙහෙ එන්න විදියක් නෑ දඩ කොළ ගෙවන්න. ඒ නිසා මට කොලබ කිට්ටුව පොලිසියකට දඩය ගෙවන්න arrange කරලා දෙන්න.
පො:එහෙම කරන්න බෑ.
මම දෙතුන් වතාවක් පින්සෙන්ඩු වුනා.
පො: එහෙනම් මම මහත්තයට මෙහෙම උදව්වක් කරන්නම්. මහත්තයාගේ දඩය 500 යි. තැපැල් කන්තෝරුවේ ගානත් එක්ක 550 යි. මහත්තයා මට 550 ක් දෙන්න මහත්තයා ට කරන උදව්වක් විදියට මම දදේ ගෙවන්නම්.
ඒ කරුණාවන්ත පොලිස් නිලදාරියට පින් දිදී මමත් පුළුවන් තරම් ඉක්මනට 550 ක් දීල මාරු වුනා. එදා ගෙදර එනකොට 10.30 ත් පහුවෙලා.

මේ මගේ පලවෙනි කතාව. තවම මට කතා ලියන්න හොදටම බෑ. ඔයාලගේ අදහස් දෙන්න.

සුදු ඉර කැපීම Part 2

කලින් ලිපිය බලපු නැති ය ඉන්නවනම් මෙතන click කරන්න.වැඩ ටික ඉවර කරගන්න කොට හවස 5 විතර වුනා. දැන් මට හොදටම මහන්සියි. ලොක්කා (මගේ නපුරු බොස් ) කැමති නෑ 6 ට කලින් වැඩ ඉවර කරනවට. ඒ වුනාට අපිට off වෙන්න තියෙන්නේ 5 ට. ලොක්කනම් 6 ට off වෙනවාටත් කැමති නෑ එත් මිනිහ හිතන්නේ න අපිටත් ගෙවල් දොරවල්  තියනවා කියල. කොහොමත් මම out door (දුර)යනකොට 5 ට වැඩ  නවත්තුවට අපේ ඩිපාර්ට්මන්ට් එකේ අනිත් අය 3 විතර වෙන කොට වැඩ නවත්තනවා.
දැන් හොදටම මහන්සි නිසා මම ගියා පරාක්‍රම සමුද්‍රයට නාන්න කියල හිතාගෙන. තනියම හිටි නිසාත් මට පීනන්න බැරි නිසාත් අයිනකට වෙලා පාඩුවේ පොඩ්ඩක් නෑ ගත්තා. අප්පේ තියන සැප. නාගෙන සරමක් ඇද ගත්තා. මොකද දැන් ඔෆ්ෆිචේ වෙලාව නෙවේනේ. එත් කෝකටත් කියල shirt එකක් ඇදගෙන කම්පැනි අයිඩෙන්ටිය කරේ ද ගත්තා. දැන් 5.30 වෙලාව. දැන්ම ලොක්කට call එකක් දෙන්න බෑ මම පොළොන්නරුවෙන් පිටත් වෙනවා කියලා. 5.30 ට පිටත් වුනා කිව්වොත් ලොක්කගේ රතු කට්ට පනිනවා. call නොකලත් සමහර වෙලාවට ලොක්කා මම ඉන්නේ කොහෙද කියල බලන්න මට call කරලා බලනවා. ඕන දෙයක් වෙන්න කියලා මම පොළොන්නරුවෙන් පිටත්  වුනා. 6 වෙනකම් හිමින් හිමින් ද්රිවේ කළා. 6 ට මම දැන් ලොක්කට call එකක් ගන්නවා.

077-xxxxxxx
ටූක් ... ටූක් .......       
ටූක් ... ටූක් .......          ටූක් ... ටූක් .......
ලොක්ක phone එක answer කළා.
හෙලෝ සර් මගේ වැඩ ටික හරි මම දැන් පොළොන්නරුවෙන් පිටත් වෙන්න හදන්නේ.

මම වැඩක ඉන්නේ. පස්සේ ගන්න.(ලොක්කා)

මම දැන් පොළොන්නරුවෙන් පිටත් වෙන්න හදන්නේ.(මම)

හරි (ලොක්කා)

ok සර් මම තියන්නම්. bye . good night .

දැන් හරි. මම ඉක්මනටම 5 th ගියරයට දාගෙන 95 ට විතර පෑගුවා. ඉක්මනට හබරණ කලේ පන්න ගන්න එක තමයි මගේ අරමුණ. මෙහෙම කිලෝමීටර 12 ක් විතර එනකොට වාහන පෝලිමක් යනවා. අනිත් පැත්ත wrong side එකේ පාර හොදටම පැහැදිලියි. මට ඉස්සරහ හිටියේ car එකේ එක්කෙනා wrong side එකට දාල යන්න ගත්තා. මම එයා පස්සෙන්ම දැම්ම. වාහන පෝලිම ඉවර වෙන්න කිට්ටු කරලා අර කාර් එක යේ වම් පැත්තට ගත්තා. මමත් එයාපස්සෙන්ම වමට දැම්ම. මෙන්න බොලේ වමට දානවත් එක්කම පොලිසියේ trafic section එකේ කෙනෙක් අතදැම්ම වාහනේ නවත්තන්න. (මට ඒ වෙලේ තමයි තේරුනේ අයි මේ වාහන පෝලිමක් තිබුනේ කියල)



ඉතිරිය ඊලග ලිපියෙන්. අදහසක් දාලම යන්න.

සුදු ඉර කැපීම Part 1

         මේ සිදුවීම වුනේ මීට අවුරුදු 2 1/2 කට විතර කලින්. මම ඒ දවස් වල වැඩ කලේ ලංකාවේ ප්‍රධාන පෙලේ  ආයතනයක. (නම නොකිය ඉන්නම්) විධායක ශ්‍රේණියේ out door ජොබ් එකක් තමයි මම එහෙ කලේ. මට ඒ දවස් වල ඒ ආයතනයෙන් දීල තිබුන මගේ ගමන් බිමන් වලට පොඩි van එකක්. Nissan Vannette වර්ගයේ එකක් තමයි ඒ. ඉතින් අගහරුවාදා දවසක  මට සිද්ද වුනා office එකේ වැඩකට  නුවර අනුරාධපුර හරහා පොළොන්නරු යන්න. අනුරාධපුරේ වැඩ ටික ඉවර වෙනකොට සිකුරාදා උදේ 9.45 විතර වුනා. සෙනසුරාදා අපේ companye නිවාඩු දවසක්. ජොබ් එක වුනත් සෙනසුරාදා වැඩ කලාට මට OT නෑ. (විදායක ශ්‍රේනියෙනේ) ඒ වගේම මට වෙන ලැබීම් නෑ. basic පමණයි

          ඒ නිසා මගේ කල්පනාව එදාම කොහොමහරි ගෙදර එන්න.  පැල්පත කොහෙද කියල අහන්න එපා. පොළොන්නරුවේ ඉදල කොළබ පැත්තට 225 km විතර දුරක් කියල හිතා ගන්නකො. දවල්නම් පැය 4-5 ක ගමන. රැ නිසා තවත් වෙලා යනවනේ. ගොඩක් හවස් වෙලා එන්න බයයි අලි නිසා. අලි හවසට හබරණ පාරේදී මේ වගේ විහිලු කරනවා. අනිත් කාරණේ මම තට්ට තනියමනෙ. වාහන කියන්නේ යකඩ ගොඩවල් නේ. ඒ නිසා වැඩේ ඉක්මනින් ඉවරකරගෙන එන්න හිතාගෙන මම 10 ට විතර අනුරාධපුරයෙන්  පිටත් වුනා. මගදී පොඩි පොඩි පරක්කු වීම් ටිකක් වුනා නිසා පොළොන්නරුවට යනකොට 2.30යි. දැන් හොදටම බඩගිනියි.. ඉතින් මම කලේ හැමදේටම  කලින් දවල් කෑම කල හිටපු එක. අදුර වැටෙන්න කලින්  හබරණ කැලෙන් පිටවෙන්න ඕන නිසා කෑම එක විනාඩි 2-3 ට ගිල්ලා.   ඉතිරිය ඊලග ලිපියෙන්. අදහසක් දාලම යන්න.

ස්තුතියි. Thank you

බ්ලොග් එක පටන් ගත්ත පලවෙනි දවසෙම මට follower කෙනෙක් ඉන්නවා. ඒ ගැන ගොඩක් සතුටුයි. ගොඩක් උදවිය ඇවිත් තිබුනා. හැමෝටම ස්තුතියි. "සින්ඩි ලංකා" ආයතනයත් මට ඔවුන්ගේ සින්ඩිකේටරයේ ඉඩක් වෙන්කරලා තිබුනා. හැමෝටම ස්තුතියි.

සුබ ආරංචියක් ......... A good news

මේ මගේ දෙවැනි ලිපිය මටනම් සුබ ආරංචියක්....
එක මගේ බ්ලොග් යාළුවොත් එක්ක බෙදාගන්නයි මගේ කල්පනාව.
ටික දවසකට කලින් මම ඇඩ් ක්ලික් කරන්න පටන් ගත්තා...
අද මගේ පලවෙනි payment  එක ලැබුන. ඩොලර් 2.03 ක්.
ඉතින් මටනම් ගොඩක් සතුටුයි.
ඔයාලත් කැමතිනම් පහත බැනරය ක්ලික් කරලා ගිහින් රෙජිස්ටර් වෙන්න.
පල්ලෙහා තියෙන්නේ මට සල්ලි ලැබුන payment proof එක



මගේ පැල්පත.... My Cottage

මගේ පැල්පත....
බ්ලොග් දැනුම අතිනුත් මම බොහොම දුප්පත්. ඒත් ගොඩක් අයගේ බ්ලොග් කියවල, දැකල ගත්ත දැනුමෙන් මමත් පුංචි බ්ලොග් එකක් පටන් ගත්ත...
මගේ දුප්පත් පැල්පතටත් ගොඩවදිලා යන්න ඔයාලා හැමෝටම ආරාධනා.....